ايه اسيادنا، مولاي السلطان ما فاتش عامين فالحبس، خرج بدا كيشتت الملاين و قلب على المرا مت الاولاد عشرة 11 عام لي وقفات معاه فالحبس و مشى مع الصحيبة مولات محل الترويض، واراك للتفاطح بفلوس الااف الضحايا، البرطمات و التوارغ و البي إم و المشاريع... و لكن... من أين لك هذا ايها الحارس في مدرسة خصوصية بنيفو باك ؟!
باش تتضح الصورة...نرجعو شوية لسنة 2015.
رضوان صبري، لي بالمناسبة كاع لي كيعرفو معرفة سطحية كيشهد ليه بالمعاملة الحسنة، لكن حنا غانخليو المعطيات تحكم بموضوعية...
رضوان رفقة صحيبو المدعو هشام أيت العال، اولاد خريبكة بجوج، أسسوا سنة 2015 شركة سماوها فورلايف كوسميتيك، ديال ذاكشي ديال التسويق الشبكي و استثمار الاموال و ما جاوره، نجحو يجمعو حوالي 14 ألف ضحية، كلهم تم النصب عليهم فإحدى أكبر عمليات النصب فتاريخ المغرب، دفعو فلوسهم لهاذ النصابة باش زعما يتاجرو بيها، لكن خوتنا جمعو الكموسة، ملايير صحيحة ، وباتو ما صبحو، و غادي تفضح القضية و يتحاكمو سنة 2017.
رضوان هرب لايطاليا و انقطعت اخبارو ، حتى طارو عليه بمجرد دخولو للمغرب في المطار سنة 2017، و تحكم بعامين ابتدائيا و زادوه ست اشهر فالاستئناف، لكن غادي يدوز منها عامين فقط و يخرج بعفو سنة 2019، و هشام تاهوا طارو عليه اشهر قليلة من بعد و تحكم بخمس سنين و نص، دوز منها ثلث سنين فقط..
حنا ما كتبناش عليه اليوم، انتقاما لمراتو و لا لاولادو لي نكرهم و ولا يبتز مهم هو و الصحيبة الجديدة باش تنازل ليه على حقوقها و على نفقة الاولاد او ياخذهم ليها، علما انها حصلاتو قطي بالخيانة الزوجية مع الصحيبة ليلة العيد و حضرو البوليس و دارو محضر و ما دارو معاه والو، بالعكس ولات المرا متابعة بالضرب و الجرح
!قول لينا منين جبتي هاذ الخير فهاد العامين ؟ و نتا كانت مراتك كتخلص عليك المركوب باش تمشي تشوف اولادك فالطاليان قبل ما تشد فالحبس ؟
فين حق دوك ال14 الف لي غصبتو فاموالهم و أحلامهم من ذيك الثروة لي كتصرف فيها دابا ؟ فيهم لي تشرد و لي مرض و لي تقهر بالحسرة.
باراكا واقيلا طولت...
يتبع طبعا...مع ترينيتا الرقيق و من معه..
سير على بركة الله...
 |
| الشالوطية لي شرى ليها bm و البرطمة من أموال عباد الله |
 |
| ترينيتا الرقيق |
 |
| احد المشاريع |